शिर्डीत दरवर्षी मोठ्या प्रमाणात होणा-या गुरूपौर्णिमेच्या उत्सवाला आज बुधवारपासून सुरुवात झाली. तीन दिवस चालणा-या या सोहळ्यात लाखो साईभक्त गुरूदर्शन घेतील. त्यासाठी शुक्रवारी साईमंदीर रात्रभर खुले ठेवण्यात येईल.
साईबाबा संस्थाननेही या उत्सवाची जय्यत तयारी केली आहे. साईबाबा शिर्डीत वास्तव्य करत होते तेव्हापासून गुरूपौर्णिमेचा हा उत्सव साजरा करण्यात येतो. आज पहाटे झालेल्या काकड आरतीपासून या उत्सवाला सुरूवात झाली.
मुंबई-पुण्यासारख्या अनेक शहरातून आणि आसपासच्या गावातून साईभक्त पालख्या घेऊन शिर्डीत येतात. या साईभक्तांसाठी निवास आणि भोजनाची व्यवस्था अपुरी पडणार नाही, याची संस्थानातर्फे काळजी घेण्यात आली आहे.
या सोहळ्यासाठी साईमंदिरावर नयनरम्य रोषणाई करण्यात आली असून तीन दिवस विविध धार्मिक आणि सांस्कृतिक कार्यक्रमांचं आयोजन करण्यात आले आहे.
कोई टिप्पणी नहीं:
एक टिप्पणी भेजें