मुंबई, ४ सप्टेम्बर-खासदार विजय दर्डा यांनी खासदार निधीचा गैरवापर केल्याचे सिद्ध झाले असून या रकमेची वसुली करण्याचा आदेश केंद्र सरकारने महाराष्ट्र सरकारला दिला आहे.
लष्करातून निवृत्त झालेल्या आणि यवतमाळच्या जामनकर नगर येथे राहणा-या दिंगबर पाजगडे यांनी विजय दर्डा यांच्याविरोधात खासदार निधीचा गैरवापर केल्याची तक्रार केली होती. या तक्रारीची दखल घेत मुंबई हाय कोर्टाने चौकशीचे आदेश दिले होते. चौकशी दरम्यान सुमारे ३४ लाख ५३ हजार रुपये एवढ्या मोठ्या रकमेचा गैरवापर करण्यात आल्याचे आढळून आले. त्यानंतर केंद्र सरकारने वसुलीचे आदेश दिले.
