कल्याण, दि.१७ : मध्यप्रदेश येथे राहणाऱ्या ४८ वर्षीय इसमा बेकायदेशीरपणे प्राणघातक शस्त्रे बाळगल्याप्रकरणी महात्मा फुले पोलिसांनी अटक केली आहे. त्यांच्याजवळ ५७, ७६० रुपयांचा मुद्देमाल हस्तगत करण्यात आला आहे.
पोलिसांकडून मिळालेल्या माहितीनुसार, मध्यप्रदेश येथील किराईच गांव येथे राहणारा सुरेंद्रसिंग जनकसिंग तोगार (४८) हा काल रात्रौ ८ च्या सुमारास कल्याण (प.) येथील एस.टी.स्टॅंड येथे फिरत होता. पोलिसांना त्यांचा संशय आल्याने पोलिसांनी त्यांच्याजवळील बॅग व अंगझडती घेतली. यात ५००० रु. कि. गावठी बनावटीचा कट्टा ४०,००० रु.कि.एक विदेशी पिस्टल १०,००० रु.कि.एक लोखंडी रिव्हॉल्व्हर, ४५० रु.कि. दोन जिवंत पितळी काडतूस, १४५० रु. रोख रक्कम, ६० रु. जूनी काळी छत्री व २०० रु. बॅग असा एकूण ५७,७६० रुपयांचा मुद्देमाल पोलिसांनी पकडला.
महात्मा फुले पोलिसांनी सदर आरोपीवर भारतीय हत्यार कायदा कलम ३,२५(१), प्रमाणे गुन्हा नोंदविला असून त्याला अटक केली आहे.
कोई टिप्पणी नहीं:
एक टिप्पणी भेजें