मुंबई - कांदिवली-चारकोप भागात आज झालेल्या पोलिस चकमकीत कुख्यात रवी पुजारी टोळीचे दोन गुंड ठार झाले। या चकमकीत एक पोलिस निरीक्षकही जखमी झाले.
उपलब्ध माहितीनुसार आज सायंकाळी पावणे सहाच्या सुमारास पुजारी टोळीचा सुनील बंगेरा उर्फ़ पुथरन हा गुंड आपल्या एका साथीदारासह चारकोप परिसरात येणार असल्याची खबर मुंबई पोलिसांच्या गुन्हे शाखेस मिळाली होती. या माहितीवरून पोलिसांनी तेथे सापळा रचला. त्या ठिकाणी पोलिसांबरोबर झालेल्या चकमकीत हे दोघेही गुंड मारले गेले. या वेळी पायास गोळी लागून पोलिस निरीक्षक नितीन अलकनुरे हे जखमी झाले. त्यांना भगवती रुग्णालयात घेवून गेले असता त्यांनी अलकनुरे यांना नानावटी हास्पिटल मध्ये घेवून जाण्यास सांगितले. तेथे त्यांच्यावर उपचार शुरू आहेत।
