कांदिवली, ६ सप्टेम्बर- महसूलमंत्री नारायण राणे यांचा मुलगा नितेश राणे यांच्या गाडीवर शुक्रवारी रात्री समतानगर येथील ठाकूर कॉलेज जवळ काही तरूणांनी दगडफेक केली. या दगडफेकीत त्यांच्या गाडीच्या काचा फुटल्या.ठाकूर कॉलेज येथील एका सार्वजनिक गणेशोत्सवाच्या कार्यक्रमानिमित्त नितेश राणे आले होते. त्यावेळी स्थानिक तरूण आणि स्वाभिमानच्या कर्यकर्त्यात बाचाबाची झाली. नितेश राणे हे स्वाभिमान या संघटनेचे प्रमुखही आहेत. बाचाबाचीनंतर नितेश राणे तेथून जाण्यासाठी निघाले होते, त्यावेळी त्यांच्या गाडीवर मागून काही लोकांनी दगड फेकले आणि गाडीच्या काचा फोडल्या.
मात्र, नितेश यांना कोणतीही इजा झाली नसून ते या हल्ल्यातून सुखरूप बचावले असल्याचे समतानगर पोलिसांनी सांगितले.
