हिंदीमध्ये बोलण्याचा आग्रह धरणार्या खासदार जया बच्चन यांच्याविरोधात रणशिंग फूंकण्याचे आदेश दिलेल्या मनसे नेते राज ठाकरे यांनी आपले बच्चन कुटुंबिय विरोधातील आंदोलन मागे घेण्याची घोषणा केली असून, अमिताभ यांना देशाच्या कोणत्याही सीमा नाहीत, त्यांनी माफी मागितल्याने आपण आपले आंदोलन मागे घेत असल्याचे राज यांनी आज जाहीर केले.'हम यू पी वाले है। हम हिंदी में ही बात करेंगे असे जया यांनी द्रोण चित्रपटाच्या म्युझिक रिलीज प्रसंगी म्हटले होते। यानंतर मनसेने यावर आक्षेप घेत राज यांनी बच्चन कुटुंबियांविरोधात आंदोलन करण्याचा निर्णय घेतला होता.
राज यांनी पत्रकार परिषद घेत जया यांच्यावर तोफ डागत आधी त्यांनी माफी मागावी आशी मागणी केलीर होती. जया आणि अमिताभ यांनी याविषयी मराठी जनतेची माफी मागितल्यानंतर आज राज यांनी आपण बच्चन कुटुंबियांविरोधात आंदोलन मागे घेत असल्याचे जाहीर केले.
