प्रियांका चोप्राच्या माजी खासगी सचिवास अटक

मुंबई - बॉलीवुड अभिनेत्री प्रियांका चोप्राचा माजी सचिव प्रकाश जाजू याला मुंबई गुन्हे शाखेने आज (मंगळवार) मध्य प्रदेशात अटक केली आहे. प्रियांकाला धमकी तसेच अश्‍लिल एसएमएस पाठविण्याचा त्याच्यावर आरोप आहे.

गेली दोन वर्षे पोलिसांना चकवा देणाऱ्या जाजूला मध्य प्रदेशातील महू येथून अटक करण्यात आल्याचे अतिरिक्‍त पोलिस आयुक्त (गुन्हे शाखा) देवेन भारती यांनी सांगितले.

आर्थिक वादातून प्रियांकाने जाजूला कामावरून काढून टाकले होते. त्यानंतर जाजूने एसएमएसवरून प्रियांकाला धमकी तसेच अश्‍लिल एसए मएस पाठविण्यास सुरूवात केली होती. प्रियांकाने त्याच्याविरूद्ध तक्रार दाखल केली.

डाऊ'ला विरोधासाठी साताऱ्यात "रास्ता रोको'

सातारा - शिंदे (ता। खेड), २६ ऑगस्ट- येथील डाऊ केमिकल कंपनीला विरोध करण्यासाठी पुणे- बंगळूर महामार्गावर वाडे फाट्यावर वारकऱ्यांनी मंगळवारी रस्ता सुमारे अर्धातास अडवून धरला. पोलिसांनी आंदोलकांना ताब्यात घेतल्यावर वाहतूक पूर्ववत झाली.

व्यसनमुक्त युवक संघ व जिल्हा वारकरी संघ यांच्या वतीने "डाऊ' कंपनीला विरोध करण्यासाठी हे आंदोलन झाले. दुपारी बाराच्या सुमारास सुमारे शंभरहून अधिक कार्यकर्ते वाडे फाटा येथे जमा झाले. महामार्गावरील वाहतूक त्यांनी रोखून धरली. पोलिसांनी या कार्यकर्त्यांना ताब्यात घेतले.

कोसी नदीने प्रवाह बदलला, बिहारमध्ये लाखो लोक बेघर

पाटणा, २६ ऑगस्ट- कोसी नदीने प्रवाह बदलल्यामुळे आलेल्या पुरामुळे विहारमध्ये हाहाकार उडाला आहे. या पुरामध्ये ४२ जणांचा बळी गेला आहे. हा आकडा यापेक्षाही जास्त असण्याची शक्‍यता आहे.

नेपाळमधील कुसाहा गावाजवळ कोसीने आपला प्रवाह बदलला. त्यामुळे बारा लाख लोक जुन्या आणि नव्या प्रवाहांच्यामध्ये अडकले आहेत.

या पुराचा फटका अनेक जिल्ह्यांना बसला आहे. मधेपूरा आणि सुपौल जिल्हे तर नकाशावरुन पुसले जाण्याची शक्‍यता आहे. या जिल्ह्यातील १० लाख लोकांना सुरक्षित ठिकाणी कठीहार, सहारसा. पूर्णिया आणि आरारीया जिल्ह्यांमधील स्थितीही गंभीर आहे.

ही नेहमीची पूरस्थिती नसल्याने मदतकार्य करणेही अवघड झाले आहे.

अधिकाधिक लोकांना सुरक्षित स्थळी पोहचविणे हेच आमचे सध्याचे उद्दिष्ट असल्याचे बिहारचे मुख्यमंत्री नितीशकुमार यांनी सांगितले.