कल्याण,दि.१७ : पोलिसांची रेट झाल्याचे सांगून सोन्याचे बिस्किटे खरेदी करण्यासाठी आलेल्या २५ वर्षीय तरुण व्यापाऱ्यास ४,२५,००० रू. लुटल्याची घटना कल्याणात घडली. तरुणास लुटण्यासाठी ४ जणांसोबत ३ अनोळखी पोलीस असल्याचे तरुणाने बाजारपेठ पोलीस ठाण्यात नोंदविलेल्या फिर्यादीत नमूद केले आहे.
पोलिसांकडून मिळालेल्या माहितीनुसार, चेंबूर येथील टिळकनगर रोड येथील शांतीजोग सोसायटी राहणारा २५ वर्षीय ललित मनोहर सोनी हा व्यापारी ४ एप्रिल रोजी कल्याणातील आधारवाडी चौक जवळचं सोन्याची बिस्किटे खरेदी करण्यासाठी झाले होते. येथे व्यवहार होताना आरोपी अशोक नायडू, राजू पटेल, सचिन गावकर, सुभाष यांनी व्यापाऱ्यास बाजारभावापेक्षा १० टक्के कमी भावाने ४० तोळे वजनाचे ४ सोन्याची बिस्किटे देण्याची लालचं दिली. या लालचेला सोनी बळी पडले. आणि त्यांनी त्यांच्याजवळील ४,२५,००० रुपयांची रोकड बाहेर काढली. त्याचवेळी आरोपींनी बनावट नाट्य करून पोलिसांनी रेट टाळल्याचे सांगून व्यापाऱ्यास घाबरवून पळण्यास सांगितले. सोनी यांनी घाबरून त्यांच्याजवळील रोकडही बनावट पोलिसांच्या हवाली केली होती. सोनी व्यापाऱ्यास घडलेल्या प्रकाराचा काही दिवसांनी संशय आल्याने आपण लुटलो गेल्याचे समजले. व्यापारी सोनीयांनी सदर प्रकाराविषयी बाजारपेठ पोलीस ठाण्यात तक्रार केली आहे. अद्याप ७ आरोपींना अटक झाली असून पुढील तपास वपोनि सुदाम राखपसरे करित आहे.
कोई टिप्पणी नहीं:
एक टिप्पणी भेजें