काठमांडू - येथील केंद्रिय कारागृहातून सुटका झाल्यानंतर नेपाळी बालेबरोबर विवाह करून संसार थाटण्याच्या प्रयत्नात असलेल्या चार्ल्स शोभराजचे स्वप्न अधुरेच राहण्याची शक्यता आहे। त्याने आपली प्रेमिका निहिता विश्वास हिच्याशी विवाह केल्यास त्याला आणखी ३ वर्षे तुरूंगात खडी फोडावयास जावे लागू शकते.
शोभराजवर महिलांना मोहपाशात ओढून त्यांची हत्या करण्याचे आरोप आहेत. १९७५ मध्ये काठमांडूमध्ये एका अमेरिकी तसेच कॅनाडाच्या प्रवासी महिलेची हत्या केल्याप्रकरणी न्यायालयाने जुलै २००४ मध्ये त्याला जन्मठेपेची शिक्षा सुनावली आहे.
सध्या शोभराज व त्याची प्रेमिका निहिता विश्वास यांच्या रोमान्स सुरू असल्याचे आहे. इतकेच नव्हे तर ६४ वर्षीय शोभराजने २० वर्षीय निहितासोबत साखरपुडाही उरकल्याचे बोलले जात आहे.
फ्रांसमध्ये राहणाऱ्या चातल नामक महिलेशी शोभराजने पुर्वी विवाह केला आहे. तसेच त्याची आणखी एक पत्नी ऑस्ट्रेलियात राहात असल्याचीही माहीती मिळाली आहे.
शोभराज मात्र पहिल्या पत्नीशी घटस्फोट घेतल्याचे सांगत आहे.
कोई टिप्पणी नहीं:
एक टिप्पणी भेजें