नवी दिल्ली,दि. १६ :भाजप नेते लालकृष्ण आडवाणी यांनी "दलाल' म्हटल्याने समाजवादी पक्षाचे सरचिटणीस अमरसिंग यांनी काल पत्रकार परिषदेत त्यांच्यावरच प्रतिहल्ला केला. आडवाणी लाल, भगवा, आणि हत्ती मिळून सपाला बदनाम करीत असल्याची टीका अमरसिंग यांनी केली.
कांग्रेस यापूर्वी लाल सलाम करत असे, आता दलाल सलाम करत आहे, असे वक्तव्य अडवाणी यांनी केले. हा त्यांनी माझ्यावर केलेला थेट आरोप आहे, असे मी समजतो, असे अमरसिंग यांनी काल पत्रकार परिषदेत सांगितले. गेल्या 21 मार्च रोजी अडवाणींनी मला त्यांच्या " माय कंट्री, माय लाइफ ' या आत्मचरित्राची प्रत त्यांच्या सहीनिशी पाठवून दिली.
त्यावेळी मी दलाल नव्हतो. आता तीनच महिन्यात मी दलाल कसा झालो? असा सवाल त्यांनी यावेळी केला आहे. आडवाणी यांना पंतप्रधान होता येत नाही, त्या निराशेपोटीच ते अशी बेजबाबदार विधाने करीत आहेत, असेही अमरसिंग म्हणाले.
कोई टिप्पणी नहीं:
एक टिप्पणी भेजें