किंमतवाढीच्या मुद्दयावर सरकारची चिंता कमी होण्याचे चिन्ह नसून किंमतवाढीने 11।42 टक्क्यावर झेप घेत तेरा वर्षातील उच्चांक गाठला आहे. अन्नधान्य, दूध, खाद्यतेल व पेट्रोलियम पदार्थाच्या किमतीतील प्रचंड वाढीमुळे किंमतवाढीने उच्चांकी झेप घेतली आहे.
चौदा जूनला संपलेल्या आठवड्यात किंमतवाढीने मागील आठवड्याच्या तुलनेत 0।37 टक्क्यांची वृद्धी नोंदवली आहे. मागील वर्षी याच आठवड्यात किंमतवाढ फक्त 4. 13 टक्क्यांवर होती.
किंमतवाढीने याअगोदर मार्च 1995 मध्ये विक्रमी 16।9 टक्क्यांची झेप घेतली होती. वित्तमंत्र पी चिदंबरम यांनी वृत्तवाहिनीस दिलेल्या मुलाखतीत पाच जूनला केलेल्या पेट्रोल व डिझेलच्या किंमतवाढीचा यावर परिणाम झाल्याचे सांगून सरकार लोकांना याचे स्पष्टीकरण देऊन उपाययोजनांची माहिती देणार असल्याचे स्पष्ट केले.
या आठवड्यात चहाची किंमत तीन टक्क्यांनी, दूध एक टक्के, सूर्यफूल तेल एक टक्के, वनस्पती दोन टक्के आयातीत खाद्यतेलात एक टक्क्यांची वाढ झाली आहे. वित्तमंत्र्यांनी किंमतवाढ काही आठवडे दुहेरी आकड्यात राहणार असल्याचे स्पष्ट केले आहे. आवश्यकता पडल्यास कठोर उपाययोजना करण्यात येईल, असेही त्यांनी स्पष्ट केले.
कोई टिप्पणी नहीं:
एक टिप्पणी भेजें