आरमोरी - आरमोरी पोलिस ठाण्यांतर्गत सात किमी अंतरावरील पाथरगोटा या गावी पत्नीने आपल्या प्रियकराच्या मदतीने स्वत:च्या पतीची विष पाजून हत्या केल्याची घटना बुधवारी (ता।२५) रात्री साडेअकराच्या सुमारास घडली। दोघांनाही पोलिसांनी अटक केली आहे.
हितेश रतन खोब्रागडे (२६) रा। कोकडी हा काही कामानिमित्त पाथरगोटा येथे गेला. त्याची सुमित लिंगायत (४०) रा. पाथरगोटा यांच्याशी ओळख झाली. त्याचे त्यांच्या घरी येणे-जाणे सुरू झाले. यातच त्याचे सुमितची पत्नी सुषमा लिंगायत (३५) हिच्याशी प्रेमसंबंध जुळले. प्रेमाचे रूपांतर शारीरिक संबंधात झाले. याबाबत गावातील लोकांना माहिती होती. मात्र, सुषमाच्या रागीट व भांडखोर स्वभावामुळे तिला कोणीच हटकत नव्हते.
प्रेमात अडसर ठरणाऱ्या पतीला कायमचे संपविण्याचे सुषमाने मनात ठरविले। प्रियकर हितेश खोब्रागडे याच्यासोबत तिने कट रचला. जेवताना दारू पिण्याचा बहाणा करून हितेशने बाहेर गावातून देशी दारू आणली. त्या बाटलीमध्ये विषारी कीटकनाशक औषध टाकून ती सुमितला पिण्यास दिली.
यादरम्यान दोघांमध्ये बाचाबाचीसुद्धा झाली. दारू पिल्यानंतर काही वेळातच सुमितचा मृत्यू झाला, असे हितेश खोब्रागडेने पोलिसांना दिलेल्या बयानात म्हटले आहे. या घटनेची माहिती मिळाल्यानंतर आरमोरी पोलिसांनी दोघांनाही ताब्यात घेतले. घटनेचा तपास पोलिस उपनिरीक्षक इप्पर, जमादार कराडे, पोलिस शिपाई सिडाम करीत आहेत.
कोई टिप्पणी नहीं:
एक टिप्पणी भेजें