बीजिंग - नुकत्याच झालेल्या भूकंपाच्या पार्श्वभूमीवरही चीनमधील ऑलिंपिकच्या पूर्वतयारीची सर्व कामे वेळेत पूर्ण होत आहेत। ऑलिंपिकचा उद्घाटनाचा आणि समारोपाचा सोहळा रंगणाऱ्या पक्ष्याच्या घरट्याच्या आकाराच्या मुख्य मैदानाचे काम पूर्ण झाल्याचे शनिवारी जाहीर करण्यात आले. हे मैदान आता पूर्ण क्षमतेने वापरता येऊ शकते, असे चीनमधील अधिकृत वृत्तसंस्थेने दिलेल्या वृत्तात म्हटले आहे.
येत्या ऑगस्टमध्ये ऑलिंपिक स्पर्धा होणार आहेत. ऑलिंपिकमधील विविध क्रीडाप्रकारांसाठी जलतरण तलाव आणि ३७ छोटी मोठी मैदाने बांधून पूर्ण करण्यात आली आहेत. यापैकी काही बंदिस्त आहेत, तर काही खुली मैदाने आहेत. मुख्य मैदानाची रचना स्वित्झर्लंडच्या हरझॉंग, डिमेरॉन आणि चीनमधील वास्तूरचनाकार ली झिगॅंग यांनी केली आहे.
कोई टिप्पणी नहीं:
एक टिप्पणी भेजें