जम्मू, २८ ऑगस्ट-जम्मूतील बंदतालाब भागातील एका घरात घुसून नऊ जणांना बंधक बनवणाऱ्या तीन दहशतवाद्यांचा भारतीय लष्कराने तब्बल वीस तासांच्या अथक प्रयत्नांनंतर खात्मा केला.
या वीस तासांच्या संघर्षात दहशतवाद्यांनी तीन पुरुष बंधकांची मात्र नाहक हत्या केली. बंधक बनवण्यात आलेल्यांमध्ये एक महिला आणि चार मुलांचाही समावेश होता. या साऱ्यांची सुखरूप सुटका करण्यात आली असली तरी महिलेला गंभीर दुखापत झाल्याने येथील लष्करी रुग्णालयात तिच्यावर उपचार सुरू असल्याचे लष्करी प्रवक्त्याने स्पष्ट केले आहे.
काल पहाटे साडे सहा दरम्यान एका रिक्षा चालकाची हत्या करत या भागात दहशतवादी घुसले होते. दहशतवाद्यांची माहिती मिळताच या भागाला लष्कराने वेढा घातला. दहशतवाद्यांना मारण्याचे आदेश जवानांना मिळाल्यानंतर त्यांनी अत्यंत संयम दाखवत आधी या भागातील अनेक रहिवाशांना सुखरूप इतरत्र हालवले.
यानंतर दहशतवाद्यांना घेरण्यात आले. दहशतवाद्यांनी जबरदस्त गोळीबार केल्यानंतर त्याला भारतीय लष्कराने चोख प्रत्योत्तर दिले. दुपारी पहिला दहशतवादी ठार झाल्यानंतर जवानांनी या भागाला आणखी वेढा वाढवला. संध्याकाळी मात्र दोन्ही दहशतवादी मारले गेले.
तीन दहशतवादी मारल्या गेल्याची खात्री पटल्यानंतर रात्री उशिरा लष्कराने बंधक बनवण्यात आलेल्या चार मुलांसह एका महिलेची घरातून सुटका केली. दहशतवाद्यांकडे एके-४७ रायफलसह अनेक शस्त्रास्त्र आढळून आले.
कोई टिप्पणी नहीं:
एक टिप्पणी भेजें