न्यूयॉर्क, २८ ऑगस्ट- जगातील शंभर शक्तिशाली महिलांच्या यादीत बहुजन समाज पक्षाच्या सर्वेसर्वा आणि उत्तर प्रदेशच्या मुख्यमंत्री मायावती यांचाही समावेश करण्यात आला आहे.अमेरिकन मासिक फोर्ब्सने ही यादी नुकतीच जाहीर केली आहे, यात कॉग्रेस अध्यक्षा सोनिया गांधी यांचा पूर्वीपासूनच समावेश आहे।
गेल्यावर्षीच्या मानाने सोनियांचा क्रम यात घसरला असून, सहाव्या स्थानावरून त्या २१ स्थानापर्यंत घसरल्या आहेत. तर दुसरीकडे मायावतींना या यादीत स्थान मिळाले असून त्या ५९ व्या जागेवर आहेत. इंदिरा नुई यांच्या क्रमवारीत वाढ झाली असून त्या तिसऱ्या स्थानावर पोहचल्या आहेत.
बायोटेक्नॉलॉजी कंपनी बायोटेकच्या प्रमुख किरण मुजूमदार यांचाही या यादीत समावेश करण्यात आला आहे। त्या ९९ व्या स्थानावर आहेत.
सोनिया गांधी या जरी देशातील सर्वात शक्तिशाली पक्षाच्या प्रमुख असल्या तरी मायावती यांनी त्यांना आव्हान देण्यास सुरू केल्याचे फोर्ब्सने नमूद केले आहे.
कोई टिप्पणी नहीं:
एक टिप्पणी भेजें