मुंबई, २८ ऑगस्ट - "टाटा स्काय' डिश लावण्यासाठी आल्याचा बहाणा करून केवळ दीड मिनिटात घरफोडी करणारी आंतरराज्यीय टोळी पकडण्यात शिवाजी पार्क पोलिसांना यश आले आहे. यातील एक तरुण पुण्याचा आहे. या टोळीने मुंबई, पुणे, गुजरात, बंगळूर, कर्नाटकात उच्चभ्रू वस्ती निवडून चोऱ्या केल्याचे उघड झाले आहे.
नीलेश चौगुले (पुणे) आणि संतोष मांजरेकर व अबीबुल्ला खान (दोघेही रा. मुंबई) हे काल सायंकाळी दादरच्या गोखले रोड येथील सखाराम कृपा इमारतीच्या गच्चीवर चढले. त्या वेळी येथील रहिवाशांनी त्यांना हटकले. आपण टाटा स्काय डिश तपासणीसाठी आलो आहोत, असे त्यांनी सांगितले; पण तरीही संशय आल्याने त्यांच्याकडे ओळखपत्र मागितले. ओळखपत्र गाडीत असल्याचे सांगून त्यांनी निसटण्याचा प्रयत्न केला; मात्र नागरिकांनी पकडून त्यांना पोलिसांच्या हवाली केले.
विशेष म्हणजे हे तिघेही चांगले कपडे, टाय लावून यायचे. त्यामुळे कोणालाच संशय येत नव्हता. उच्चभ्रू वस्ती निवडायची. अगोदरच कोणत्या घरात माणसे नाहीत, हे हेरायचे आणि त्या घरात शिरायचे आणि अवघ्या दीड मिनिटात घर साफ करायचे कौशल्य त्यांच्याकडे होते.
कोई टिप्पणी नहीं:
एक टिप्पणी भेजें