पोर्टब्लेअर, १० ऑगस्ट- अंदमान बेटांना आज वादळ आणि भूकंपाचे जबरदस्त धक्के बसल्याने या भागात भीतीचे वातावरण असून, या भागात अनेक प्रवासी अडकले आहेत।वेधशाळेने दिलेल्या माहितीनुसार काल रात्री पासून अंदमान भागात तासी ५० ते ६५ किलोमीटर वेगाने वादळी वारे वाहू लागल्याने या भागातील साऱ्या वाहतूक सेवा कोलमडल्या आहेत.
आज अंदमानला ६.६ रिश्टर स्केलचा भूकंपाचा जबरदस्त धक्का बसला. यात कोणते नुकसान झाले याची माहिती अद्याप उपलब्ध झाली नसली तरी, त्सुनामीची शक्यता मात्र वेधशाळेने फेटाळली आहे.
दुपारी एक वाजता किमान सात ते आठ मिनिटे हा भूकंपाचा धक्का जाणवला. अंदमानच्या उत्तरी भागात हा धक्का जाणवला नसल्याची माहिती अंदमान आपत्तीनिवारण व्यवस्था प्रमुख एस एन झा यांनी दिली.
अंदमानात सध्या खराब वातावरण असून सततचे वादळ आणि सुरू असलेल्या पावसाने या भागातील वाहतूक व्यवस्था कोलमडल्याचेही झा यांनी स्पष्ट केले.
कोई टिप्पणी नहीं:
एक टिप्पणी भेजें