पुणे - घोरपडीजवळ दोन रेल्वे इंजिनांची समोरासमोर धडक होऊन झालेल्या अपघातात तीन जण ठार तर दोन जण जखमी झाले.
सोमवारी सकाळी हा अपघात झाला. एक इंजिन पुणे स्थानकातील यार्डातून दौंडच्या दिशेने निघाले होते, तर दुसरे दौंडकडून येत होते. दोन्ही इंजिन एकाच रुळावर आल्याने हा अपघात झाला. जखमींना रेल्वेच्या रुग्णालयात दाखल करण्यात आले आहे.
रेल्वेचे इंजिन चालक रमेश इजायत, सह-चालक आर. के. गुप्ता आणि गार्ड जी. के. सातपुते अशी मृत्युमुखी पडलेल्यांची नावे आहेत. हे सर्व जण दौंडहून पुणे स्थानकाकडे निघालेल्या इंजिनमध्ये होते, तर पुणे स्थानकाकडून दौंडकडे निघालेल्या इंजिनचे चालक तापुद्दीन मोमीन आणि सह-चालक अमित प्रेमसिंग हे जखमी झाले आहेत.
कोई टिप्पणी नहीं:
एक टिप्पणी भेजें