नाशिक - नाशिक रोड भागातील तीन घरफोड्यांचा तपास लावण्यात पोलिसांना यश मिळाले आहे. या घरफोड्यातील पाच लाख रुपयांचा ऐवज पोलिसांनी हस्तगत केला आहे. या प्रकरणी पोलिसांनी तीन अल्पवयीन मुलांना ताब्यात घेतले असून, घरफोड्यांमधील ऐवज विकत घेणाऱ्या पाच सराफांना अटक करण्यात आली आहे. नाशिकचे पोलिस आयुकत हिमांशू रॉय यांनी शनिवारी पत्रकार परिषदेत ही माहिती दिली.
श्री. रॉय म्हणाले, नाशिक शहरातील रिक्षाचालकांना शिस्त लावण्यासाठी नऊ हजार ५४० खटले करण्यात आले आहेत, तसेच दहा लाख २२ हजार रुपयांचा दंड गेल्या महिन्यात वसूल करण्यात आला आहे. शहरातील वाहतुकीला शिस्त लावण्यासाठी महापालिका आरटीओ आणि पोलिस यांचामध्ये समन्वय साधण्याचे प्रयत्न सुरू आहेत. शहरातील अनधिकृत जाहिरात फलकांचे तुंबळ युद्ध महापालिकेने जागा निश्तिच केल्यावर संपुष्टात येईल. बॅंकांच्या थकबाकी वसुली एजंटांना पोलिस बंदोबस्त देण्यात येणार नाही. उलटपक्षी कोणालाही धमकविल्यास अशा एजंटाविरुद्ध गुन्हा दाखल होईल. गुंडगिरी आटोक्यात आणण्यासाठी हे पाऊल उचलण्यात आले आहे.
कोई टिप्पणी नहीं:
एक टिप्पणी भेजें