बदलापुर - येथील डॉ. पाटील यांना पैशाच्या मागणीसाठी डोक्यात लोखंडी वस्तू मारून जखमी करण्यात आले; तसेच त्यांच्या खिशातील १३ हजार पाचशे रुपये हिसकावून नेल्याप्रकरणी संजय जऱ्हाड व अन्य दोघा जणांविरुद्ध शुक्रवारी सायंकाळी सात वाजता बदनापूर पोलिस ठाण्यात गुन्हा दाखल करण्यात आला आहे.
या बाबत डॉ। जनार्दन तुकाराम पाटील (रा. बदनापूर) यांनी दिलेल्या तक्रारीत म्हटले आहे, की जोशीनगर येथील त्यांच्या रुग्णालयात गुरुवारी रात्री नऊ वाजता संजय सर्जेराव जऱ्हाड, लक्ष्मण भाऊसाहेब पवार व अन्य एक जण (रा. बदनापूर) अशा तिघांनी त्यांच्याकडे २५ हजार रुपयांची मागणी केली. त्यांनी पैसे देण्यास नकार दर्शविल्याने तिघांनी डॉ. पाटील यांना मारहाण केली; तसेच लोखंडी वस्तूने डोक्यात मारल्याने ते जखमी झाले. शिवाय डॉ. पाटील यांच्या खिशातील १३ हजार पाचशे रुपये बळजबरीने काढून घेतले; तसेच अन्य दोघा-तिघा साथीदारांना मारहाण करून रुग्णालयाचे नुकसान केले.
याप्रकरणी डॉ। जनार्दन पाटील यांच्या तक्रारीवरून पोलिसांनी "त्या' तिघा जणांविरुद्ध गुन्हा दाखल केला आहे. अधिक तपास फौजदार सय्यद असिफ करीत आहेत.
खोटी तक्रार : पाटील-माझा मित्र नंदू विनायक अंभोरे यांना उपचारासाठी डॉ. पाटील यांच्याकडे नेले असता डॉ. पाटील दारूच्या नशेत होते. त्यांनी आम्हा दोघा-तिघांना धक्काबुक्की केली आणि पोलिस ठाण्यात माझ्याविरुद्ध खोटी तक्रार दिली. याप्रकरणी आम्ही तहसील यांच्याकडे शुक्रवारी (ता. ४) निवेदन दिले आहे. या निवेदनातही डॉ. पाटील यांच्यावर कारवाई करून त्यांचा वैद्यकीय परवाना रद्द करावा, अशी मागणी करण्यात आली आहे.
कोई टिप्पणी नहीं:
एक टिप्पणी भेजें