मुंबई, दि.3 : शिर्डी देवस्थान आणि परिसराचा आणि नियोजनबद्ध विकास होण्यासाठी "शिर्डी विकास प्राधिकरण' स्थापन करण्याचे निर्देश मुख्यमंत्री विलासराव देशमुख यांनी दिले.
या विकास प्राधिकरण शिर्डी आणि शिर्डी परिसरातील 5 ते 6 गावांचा समावेश राहील. या प्राधिकरणामुळे शिर्डी परिसराचा चांगल्या प्रकारे विकास साधता येईल, हे मुख्यमंत्र्यांनी स्पष्ट केले.
श्री. साईबाबा संस्थानाच्या प्रलंबित प्रश्न आणि एकात्मिक रस्ते विकास प्रकल्पाचा आढावा घेण्यासाठी मुख्यमंत्र्यांच्या अध्यक्षतेखाली काल मंत्रालयात बैठक आयोजित केली होती.
शिर्डीच्या श्री. साईबाबांच्या दर्शनासाठी देश-विदेशातून सर्वधर्माचे भाविक येतात. त्यांना सर्व प्रकारच्या सेवा-सुविधा उपलब्ध होण्याच्या दृष्टीने शिर्डी शहर विकास योजना हाती घेण्यात आली आहे. या विकास योजनांचा आढावा या बैठकीत घेण्यात आला. शिर्डी शहरातील शिर्डी संस्थानच्या अंदाजे 25 किलोमीटर लांबीच्या रस्त्याचे मजबुतीकरण आणि सुधारणा करण्याचा निर्णय घेण्यात आला. त्यासाठी त्रिपक्षीय करार करण्यात आलेला आहे. रस्ते विकासाची कामे तीन टप्प्यात केली जाणार आहेत. पहिल्या टप्प्यात 10 किलोमीटर आणि पुढील टप्प्यात 15 किलोमीटर रस्त्यांची कामे केली जाणार आहे.
शिर्डीत नॉजेल सिटी
शिर्डी येथे नॉलेज सिटी उभारण्यासाठी आपली शिर्डी येथे नॉलेज सिटी उभारण्यासाठी आपली कोट्यावधी किंमतीची जागा साई संस्थानाला देऊ केल्याबद्दल डॉ. प्रेम दर्यानानी यांचा मुख्यमंत्र्यांच्या हस्ते शाल व श्रीफळ देऊन सत्कार करण्यात आला. नॉलेज सिटी उभारण्यास शासनामार्फत सर्वतोपरी सहाय्य केले जाईल, असे मुख्यमंत्र्यांनी यावेळी सांगितले.
कोई टिप्पणी नहीं:
एक टिप्पणी भेजें