मुंबई, दि. 3 : मुंबईतील मराठी विरुद्ध उत्तर भारतीय असा वाद तुर्तास जरी शमला असला तरी जातीयवादाचे राजकारण करणारी जात्यांध मंडळी त्यावर अधूनमधून पेट्रोल झिडकून वाद चिघळविण्याचा प्रयत्न करीत आहेत.
कुख्यात गुंड बंटी पांडे याने उत्तर भारती क्रांती दलाच्या नावाने एक पत्रक काढून "जहरी फुत्कार' टाकण्याचा प्लॅन आखला होता। पण मीरा-भाईंदर पोलिसांनी हा बेत हाणून पाडला आणि पुढील अनर्थ टळला. उत्तर भारती क्रांती दलाने "अगर तुम प्यार से बोलोगे तो जान दे देंगे. तुम हमे थप्पड मारोगे तो हम तुम्हे गोली मारेंगे' अशा शीर्षकाचे भडकावू पत्रक तयार केले होते. संपादक बंटी पांडे यांच्या नावाने काढलेल्या पत्रकात मराठी विरुध्द बिगरमराठी वादाला खतपाणी घालणारे लिखाण केलेले आहे.
"मुंबई में उत्तर भारत से आए हुए सभी उत्तर भारती आणि बिहारी भाईयो आज तक हमने महाराष्ट्र के विकास के लिए अपना गांव छोडकर महाराष्ट्र में अपना कार्यक्षेत्र बनाया है। और महाराष्ट्र हमारा कर्मभूमी है हमारे कुछ लोगों की जन्मभूमी है हम सभी का राज है इस राज को हम कभी नही छोडेंगे'
बंटी पांडेने पुढे अशी मुक्ताफळे उधळली आहेत की, तुम्ही मुंबईतील तबेले हटवले जेणेकरून उत्तर भारतीय पळून जातील जर उत्तर भारतीयांना मुंबईतून पळवून लावायचा प्रयत्न केला तर हाहा:कार उडवू आता आम्ही तुम्हाला माफ केले आहे पण पुन्हा आमच्या वाट्याला जाल तर ज्या हाताने माफ केलेल्याच हातात बंदूक घेऊ। मुंबईतून आम्हाला हाकलणाऱ्यांनो जर हिंमत असेल तर समोर या आणि बंटी पांडेचा सामना करा.
बंटी पांडेच्या कुकर्माची माहिती पोलिसांना समजताच मीरारोड कनकीया पो। ठाण्याचे अतिरिक्त पोलीस अधीक्षक शशिकांत महावरकर आणि पोलीस उपनिरीक्षक मुकूंद महाजन यांनी ममता झेरॉक्स, या झेरॉक्सच्या दुकानावर धाड टाकली.
शांतीनगर कॉम्प्लेक्स येथे असलेले हे दुकान भिमजी राजपूत यांचे आहे. तिथे पोलिसांनी धाड टाकून सदर वादग्रस्त पत्रकाच्या 5 हजार कॉपी ताब्यात घेतल्या. याप्रकरणी शाहबाद हुसैन खॉं. इरफान अब्दुल घोष, हैदर मोहम्मद सय्यद या तिघांवर गुन्हा दाखल करण्यात आला.
कोई टिप्पणी नहीं:
एक टिप्पणी भेजें