बंगलूरू, २५ जुलै - बंगलूरुमध्ये आज पाच साखळी स्फोट झाल्याने खळबळ उडाली आहे. हे स्फोट कमी तिव्रतेचे असल्याचे पोलिसांचे म्हणणे असले तरी, यात आतापर्यंत तिघांचा बळी गेला आहे. यानंतर देशातील महत्वांच्या शहरांमध्ये अतिदक्षतेचे आदेश देण्यात आले असुन, बॉम्बशोधक पथकांनी बंगलूरु मधील अनेक महत्वांच्या जागी शोध मोहिम सूरु केली आहे.
बंगलूरुचे पोलिस आयुक्त सिकंदर यांनी दिलेल्या माहितीनुसार पहिला स्फोट नयंद इल्ली भागात झाला। ही मुख्य बाजारपेठ असल्याने नागरिकांना लक्ष्य करुनच हे हल्ले करण्यात आले. यानंतर माडीवाला, आरुगोडी, राजा राम मोहन जंक्शन, आणि कोडा मंगला भागात एका पोठोपाठ स्फोट झाल्याने बंगलूरसह कर्नाटक हादरले.
या स्फोटात अंबु, आणि मुनी हे दोन नागरिक जखमी झाले आहेत. या घटनेनंतर पोलिसांनी शहरभर सतर्कतेचे आदेश देत जागोजाग शोध मोहिम सुरु केली आहे.
कोई टिप्पणी नहीं:
एक टिप्पणी भेजें