मुंबई, २५ जुलै - बोगस डॉक्टरांना आळा घालण्याच्या उद्देशाने वैद्यकीय पदवीधराने नवीन दवाखाना सुरू करताना स्थानिक पोलिस ठाण्यामध्ये नोंदणी केली पाहिजे, असा नियम करण्याचा राज्य सरकारचा विचार आहे. वैद्यकीय शिक्षण राज्यमंत्री सुरेश शेट्टी यांनी शुक्रवारी विधान परिषदेत ही घोषणा केली.
राष्ट्रवादी कॉंग्रेसच्या उषा दराडे आणि इतर तीन सदस्यांच्या लक्षवेधी सूचनेवर निवेदन करताना राज्यमंत्र्यांनी बोगस डॉक्टरांचे प्रमाण मुंबईत अधिक असल्याचे सांगितले. बीड जिल्ह्यात २८ बोगस डॉक्टरांविरुद्ध गुन्हे दाखल करण्यात आले आहेत, असेही ते म्हणाले.
पोलिस ठाण्यात डॉक्टरांना अशी नोंदणी करावयास लावणे अवमानकारक असल्याचे मत शिवसेनेचे डॉ. दीपक सावंत यांनी व्यक्त केले. त्यावर पेईंग गेस्ट, पोटभाडेकरू ठेवतानाही घरमालकाने पोलिसांना कळवावे अशी तरतूद आहे, याकडे राज्यमंत्र्यांनी लक्ष वेधले.
कोई टिप्पणी नहीं:
एक टिप्पणी भेजें