मुंबई, २५ जुलै- विधान परिषदेचे उपसभापती वसंत डावखरे यांना जीवे मारण्याची धमकी देण्यात आली आहे, अशी माहिती आज विरोधी पक्षनेते पांडुरंग फुंडकर विधान परिषदेत दिली. या घटनेची दोन दिवसात चौकशी करण्याचे आदेश विधान परिषदेचे सभापती शिवाजीराव देशमुख यांनी राज्य सरकारला दिले आहेत.
या प्रकरणी, शुक्रवारी विधान परिषदेत फुंडकर यांनी डावखरेंना गुन्हेगारी टोळ्यांकडून मिळणा-या जीवे मारण्याच्या धमक्यासंदर्भात पत्र वाचून दाखविले. पत्रात डावखरे यांच्या नावाची सुपारी देण्यात आल्याचा उल्लेख करण्यात आला आहे.
डावखरे यांना जीवे मारण्याची धमकी गॅंगस्टर किरण पुजारीने दिली आहे, असे हिरामण शहा यांनी पत्राद्वारे कळवले आहे. पुजारी सध्या मटकाकिंग सुरेश भगतच्या खुनप्रकरणात गजाआड आहे. भांडुपचे आमदार संजय पाटील यांचेही अंडरवर्ल्डशी संबंध असल्याचा उल्लेख या पत्रात आहे, फुंडकर यांनी सभागृहात सांगितले.
कोई टिप्पणी नहीं:
एक टिप्पणी भेजें