मुंबई, १३ अगस्ट-सुभिक्षा या दुकांनांमध्ये जुन्या औषधांची विक्री होत असल्याचे आढळून आल्यामुळं अन्न आणि औषध प्रशासनानं २० दिवसांची बंदी घातली आहे. याबद्दल अन्न आणि औषध प्रशासनाकडे ग्राहकांच्या तक्रारी आल्या होत्या. या तक्रारींची दखल घेऊन प्रशासनानं बुधवारी ही कारवाई केली.
सुभिक्षाची देशभरात रिटेल सामान विक्रीची दुकाने आहेत. यात औषधांसोबत इतर दैनंदिन जीवनावश्यक वस्तूंची विक्री केली जाते. मात्र या दुकांनामधल्या सामानाचा दर्जा आणि पॅकेजिंगबाबत ग्राहकांच्या अनेक तक्रारी आल्या होत्या. त्यामुळं अन्न व औषध प्रशासनानं या दुकानांवर धाडी घातल्या होत्या. हा प्रश्न विधानपरिषदेतही चर्चेला आला होता. त्यावेळी चौकशी करण्याचे आश्वासन देण्यात आले होते. त्यानंतर ही कारवाई करण्यात आली आहे.
कोई टिप्पणी नहीं:
एक टिप्पणी भेजें