लंडन - डॉलरचे मूल्य अन्य महत्त्वाच्या चलनांच्या तुलनेत घसरल्याने गुंतवणूकदारांनी जोखीम कमी करण्यासाठी कच्च्या तेलाची शुक्रवारी मोठ्या प्रमाणात खरेदी केली। त्यामुळे आशियाई बाजारात कच्च्या तेलाच्या किमती पुन्हा भडकल्या आणि कच्चे तेल प्रतिपिंप १४१ डॉलरच्या पुढे गेले.
सत्रातर्गत व्यवहारात कच्चे तेल प्रतिपिंप १४१।७१ डॉलरवर पोचले होते. या आधी सोळा जूनला कच्च्या तेलाने १३९.८९ डॉलर ही उच्चांकी पातळी गाठली होती.
""नजीकच्या भविष्यात कच्च्या तेलाच्या किमती दीडशे ते १७० डॉलर प्रतिपिंपापर्यंत जाऊ शकतात. मात्र, चालू आर्थिक वर्षअखेरपर्यंत कच्च्या तेलाच्या किमती थोड्या खाली येण्याची अपेक्षा आहे,'' असे "ओपेक'चे अध्यक्ष चाकिब खलिल यांनी सांगितले.
कोई टिप्पणी नहीं:
एक टिप्पणी भेजें