न्यूयॉर्क - गुलामगिरीच्या आरोपावरून भारतीय वंशाच्या अमेरिकी नागरिक वर्षा सभनानी यांना येथील न्यायालयाने अकरा वर्षांचा तुरुगवासआणि २५ हजार डॉलरचा दंड ठोठावला आहे। सभनानी या ४६ वर्षांच्या असून, अमेरिकीतील लक्षाधीश नागरिकांपैकी एक आहेत.
इंडोनेशियाच्या एका महिलेची पिळवणूक केल्याचा आरोप त्यांच्यावर होता। तो न्यायालयात सिद्ध झाल्यानंतर न्या. आर्थर स्पॅट यांनी ही शिक्षा सुनावली. शिक्षा सुनावल्यानंतर आपल्या पतीशी आणि मुलांशी बोलताना त्यांना रडू कोसळले. श्री. सभनानी यानाही न्यायालयात शिक्षा सुनावताना आपले अश्रू आवरता आले नाहीत. याच खटल्यात श्री. सभनानी यांनाही नंतर शिक्षा सुनावण्यात येणार आहे.
न्यायालयाने खूप कठोर शिक्षा सुनावली आहे आणि त्याविरुद्ध आपण वरिष्ठ न्यायालयात धाव घेऊ, असे बचाव पक्षाच्या वकिलांनी सांगितले. सभनानी कुटुंबीयांचा सुगंधी द्रव्यांचा व्यवसाय आहे. अमेरिकेतील कायद्याप्रमाणे गुलामगिरीच्या १२ निकषांच्या आधारे सभनानी पती-पत्नींना गेल्या वर्षी डिसेंबरमध्येच दोषी ठरविण्यात आले होते.
कोई टिप्पणी नहीं:
एक टिप्पणी भेजें