मुंबई, 21 ऑगस्ट- विलासरावांनी व्हिडीओकॉन उद्योगसमूहाला दिलेल्या जमिनीचा व्यवहार अनधिकृत असल्याचा आरोप करत मुख्यमंत्र्याविरोधात बंडाचे निशाण फडकवणाऱ्या नारायण राणेंवर आता विलासरावांनीच प्रहार केला असून, आज झालेल्या मंत्रिमंडळाच्या बैठकीत कोणताही विरोध न होता या व्यवहारावर मंत्रिमंडळाने शिक्कामोर्तब केल्याने आता राणे या प्रकरणी एकटे पडले आहेत.या उलट मंत्रिमंडळाच्या मंजुरीनंतर आता वरिष्ठांनाही विलासरावांची या प्रकरणी घेतलेली भूमिका योग्य वाटत आहे.
आज मंत्रिमंडळाच्या बैठकीत हा मुद्दा चर्चिला जाणार असल्याने आणि राणे या मुद्द्यावरून नेमकी कोणती भूमिका घेतात याकडे सर्वांचे लक्ष लागले होते.राणेंनी या बैठकीला अनुपस्थिती लावत आपण अजूनही नाराज असल्याचे स्पष्ट केले. आणि आपण आपल्या राजीनाम्यावर ठाम असल्याचे संकेतही त्यांनी दिले आहेत.
परंतु राणेंनी या बैठकीला अनुपस्थिती लावल्याने हा मुद्द्यावर अधिक विरोध होण्या आधीच या व्यवहाराला मंत्रिमंडळाने हिरवा झेंडा दाखवला.
कोई टिप्पणी नहीं:
एक टिप्पणी भेजें