मुंबई, ऑगस्ट- विडिओकॉनला नवी मुंबईतील सिडकोची २५० एकर जमीन देण्याच्या वादग्रस्त निर्णयाला कोणतीही चर्चा न होता मंत्रिमंडळाची अंतिम मंजुरी मिळाली आहे. जमीन देण्याच्या निर्णयाने नारायण राणे आणि मुख्यमंत्री विलासराव देशमुख यांच्यातील या वादात राणेंचा पोपट झाला आहे.
विडिओकॉनला जमीन देण्याच्या निर्णयाबरोबर इतर महत्त्वाच्या विषयांवर चर्चा करण्यासाठी आज मंत्रिमंडळाची बैठक झाली। नारायण राणे यांच्या राजीनाम्याबद्दल काहीच निर्णय होत नसल्याने लांबणीवर पडलेली राज्य मंत्रिमंडळाची बैठक आज घेण्याचे मुख्यमंत्री विलासराव देशमुख यांनी ठरवले. त्यानुसार सकाळी १० वाजता ही बैठक सुरू झाली. मात्र, नाराज असलेले महसूलमंत्री या बैठकीला उपस्थित राहीले नाही.
त्यामुळे, विडिओकॉनला जमीन देण्याला कोणाचाही विरोध नाही, असे गृहीत धरून हा निर्णय मंत्रिमंडळाने मंजूर करून राणेंचा 'पोपट' केला आहे. मंत्रिमंडळाच्या बैठकीला अनुपस्थित राहून या प्रकरणी नाराज असल्याचे संकेत राणे यांनी पक्षश्रेष्ठींना दिले आहे. तर राणे गैरहजर राहिल्याने मुख्यमंत्री विलासराव देशमुख यांना राणेंविरुद्ध कोलीत सापडले आहे.
कोई टिप्पणी नहीं:
एक टिप्पणी भेजें