मुंबई, ३१ ऑगस्ट-महाराष्ट्राच्या प्रशासनात धडाडीचे सनदी अधिकारी म्हणून ओळखले जाणारे टी. चंदशेखर हे प्रशासकीय सेवेचा राजीनामा देऊन आंध्र प्रदेशच्या राजकारणात सक्रिय होणार असल्याचे कळते. तेलगू चित्रपटसृष्टीतील सुपरस्टार चिरंजीवी याच्या 'प्रजा राज्यम्' या पक्षातून ते आपली नवी कारकीर्द सुरू करतील, अशी चिन्हे आहेत.
ठाणे, नागपूर व मुंबईत एमएमआरडीएचे आयुक्त म्हणून धडाकेबाज विकासकामे करून चंदशेखर यांनी स्वत:चा ठसा उमटविला. राजकीय नेत्यांच्या 'गुडबुक'मध्येही त्यांनी स्थान मिळविले. परंतु म्हाडाचे उपाध्यक्ष असताना त्यांचे खासदार गुरूदास कामत यांच्याशी मतभेद झाले. तेव्हा त्यांनी थेट आपल्या सनदी सेवेचा राजीनामा मुख्यमंत्र्याकडे दिला. परंतु तो मुख्यमंत्र्यांनी मंजूर केला नव्हता. त्यानंतर ते सहा महिन्यांच्या सुट्टीवर गेले असून त्यांचा सध्या आंध्र प्रदेशमध्ये मुक्काम आहे. चंदशेखर यांचा राजीनामा लवकरच मंजूर होऊन ते राजकारणात उडी घेतील. सहा-सात महिन्यांत लोकसभेबरोबर आंध्र विधानसभेच्या निवडणुका होणार आहेत। त्यापूवीर् ते राजकारणात प्रवेश करतील हे नक्की.
१९८७ च्या आयएएस बॅचचे असलेले टी. चंदशेखर हे परदेशात गेले असल्याची चर्चा आयएएस अधिकाऱ्यांमध्ये होती. ते पुन्हा प्रशासकीय सेवेत परतणार नसल्याचेही बोलले जात होते. मात्र गेले काही महिने ते आंध्र प्रदेशमध्ये दौरे करत आहेत. नव्या पक्षाच्या स्थापनेमागे त्यांचाच 'ब्रेन' असल्याचे बोलले जाते. आपली राजकीय महत्त्वाकांक्षा त्यांनी काही दिवसांपूवीर् जवळच्या मित्रांकडे बोलून दाखवली होती. आंध्रमधील राजकीय नेत्यांशी त्यांचा निकटचा संबध आहे. दिवंगत माजी पंतप्रधान नरसिंहराव यांच्या कुुटुंबाशीही त्यांचे चांगले संबध आहेत.
कोई टिप्पणी नहीं:
एक टिप्पणी भेजें