इस्लामाबाद, ९ ऑगस्ट- पाकिस्तानचे लष्करप्रमुख जनरल अष्फाक परवेझ कियानी राष्ट्राध्यक्ष परवेझ मुशर्रफांना आठवडाभरात राजीनामा देण्यास सांगणार असल्याचे वृत्त 'द टेलिग्राफ'मध्ये झळकले आहे. या दाव्यास लष्कराकडूनही पृष्ठी मिळाली असून मुशर्रफांनी महाभियोगाची मानहानी पत्करू नये, असे त्यांचे मत आहे.पायउतार होण्याची ही योग्य वेळ असल्याचे लष्कराने मुशर्रफांना सांगितल्याचा दावा एका अधिकाऱ्याने केला आहे. महाभियोगाविरूद्ध दंड थोपटणे देशाच्या हिताचे नसल्याचा सल्ला लष्कर त्यांना देणार आहे. सत्ताधारी पीपीपी पक्षाने मुशर्रफांना शिक्षा किंवा इतर बाबतीत सूट देण्याचे आश्वासन दिल्याचेही अधिकाऱ्याने सांगितले. मुशर्रफ यांनी आयएसआयचा उपयोग करून सरकारविरूद्ध कारस्थानास सुरूवात केल्याने त्यांच्याविरूद्ध महाभियोगाच्या प्रक्रियेस सुरूवात करण्यात आल्याचे वृत्त आहे. पक्षाअंतर्गत बंडाळीसाठी त्यांनी पीपीपीचे माजी नेते अमीन फाहिम यांचाही उपयोग केल्याचा आरोप आहे.
कोई टिप्पणी नहीं:
एक टिप्पणी भेजें