मुंबई, २ ऑगस्ट- शिवसेना प्रमुखांचा पक्षादेश झुगारून विश्वासमता दिवशी अनुपस्थित राहिलेले शिवसेनेचे बंडखोर खासदार तुकाराम रेंगे पाटील यांना आज शिवसैनिकांनी मारहाण केली.
सरकारने विश्वासमत प्रस्ताव दाखल केल्यापासूनच रेंगे पाटील गायब होते. २९ तारखेला ते परभणीत पोहचल्यानंतर त्यांनी या भागात जोरदार शक्ती प्रदर्शन केले.
या पूर्वीच शिवसैनिकांचा राग पाहता त्यांच्या सुरक्षिततेत वाढ करण्यात आली होती. आज एका समारंभात सहभागी होण्यासाठी पार्टी उपस्थित राहणार असल्याची कुणकुण शिवसैनिकांना लागल्यानंतर त्यांनी या समारंभातच पाटील यांना घेराव घालून त्यांना मारहाण केली.
यानंतर पाटील यांनी पोलिसात तक्रार दाखल केली आहे.
कोई टिप्पणी नहीं:
एक टिप्पणी भेजें