परभणी - शिवसेनेतून काढून टाकलेले खासदार एड. तुकाराम रेंगे पाटील आणि शिवसेनेचे माजी जिल्हाप्रमुख भास्कर लंगोटे यांच्या समर्थकांत शनिवारी (ता. दोन) सकाळी जोरदार हाणामारी झाली. श्री. रेंगे हे सकाळी साडेनऊच्या सुमारास देशमुख गल्लीतील मारुती मंदिरात अभिषेकासाठी गेले होते. त्यावेळी तेथे आलेले श्री. लंगोटे यांनी श्री. रेंगे यांच्याकडे "आता खासदारकीचा राजीनामा द्या', अशी मागणी केली. त्यावरून दोघांमध्ये बाचाबाची झाली.
श्री. रेंगे यांचे चिरंजीव बाळासाहेब यांनी श्री. लंगोटे यांचे चिरंजीव आणि वडिलांच्या डोळ्यांत मिरचीची पूड टाकली. त्यानंतर दोन्ही गटांत जोरदार हाणामारी झाली. श्री. रेंगे यांनी आपल्याजवळील रिव्हॉल्वर बाहेर काढले. त्यानंतर दोन्ही गटांचे समर्थक विखुरले.
कोई टिप्पणी नहीं:
एक टिप्पणी भेजें