वाई - वीज कंपनीच्या कर्मचाऱ्याने चालकाला मारहाण केल्याच्या निषेधार्थ वाई आगारातील एसटी कर्मचाऱ्यांनी आज अचानक "काम बंद' आंदोलन केले. त्यामुळे प्रवाशांची काही काळ गैरसोय झाली.
सर्जेराव नाना धायगुडे असे या चालकाचे नाव असून, त्याला वाई येथील ग्रामीण रुग्णालयात दाखल करण्यात आले आहे. धायगुडे दुपारी बाराच्या सु मारास खंडाळा आगाराची गाडी घेऊन वाईला येत होते. वाईजवळच्या एमएसईबी कार्यालयाजवळ गाडी न थांबविल्यामुळे गाडीतून प्रवास करणारा एमएसईबीचा अधिकारी व दोन कर्मचाऱ्यांनी त्यांना मारहाण केली. त्यात धायगुडे जखमी झाले.
घटनेचे वृत्त समजताच वाई आगारातील कर्मचाऱ्यांनी काम बंद आंदोलन पुकारले. वाई पोलिस ठाण्यावर मोर्चा काढून निवेदन दिले. पोलिसांनी कारवाईचे आश्वासन दिल्यानंतर दुपारी दोनच्या सुमारास वाहतूक पूर्ववत सुरू करण्यात आली.
कोई टिप्पणी नहीं:
एक टिप्पणी भेजें