नाशिक, अपघातात जखमी झालेले मालेगावचे भाजप खासदार हरिश्चंद्र चव्हाण उद्या संसदेत विश्वासदर्शक ठरावावर होणा-या मतदानासाठी उपस्थित राहणार आहेत. त्यांना दिल्लीला घेऊन जाण्यासाठी भाजपने एअर अँब्युलन्सची व्यवस्था केलेय. ते आज संध्याकाळपर्यंत राजधानीत पोहोचतील, असे समजते.
अलीकडेच एका अपघातात, खासदार चव्हाण यांच्या पायांना गंभीर दुखापत झाली आहे. त्यांच्यावर नाशिकच्या हॉस्पिटलमध्ये उपचार सुरू आहेत. त्यामुळे ते संसदेच्या विशेष अधिवेशनाला उपस्थित राहणार की नाही, याबद्दल अनिश्चितता होती. परंतु, विश्वासदर्शक ठरावावरील मतदानात, एक-एक मत निर्णायक ठरणार असल्याने, त्यांना दिल्लीत घेऊन जाण्याचा निर्णय भाजपने घेतला होता. त्यानुसार, मुंबईहून एक खास वैद्यकीय पथक नाशिकला गेलं, त्यांनी चव्हाणांच्या तब्येतीची तपासणी केली आणि कुटुंबियांशी चर्चाही केली. त्यानंतर त्यांना एअर अँब्युलन्समधून दिल्लीला नेण्याचं ठरलंय. आता ते उद्या संसदेच्या लॉबीमधून मतदान करतील.
कोई टिप्पणी नहीं:
एक टिप्पणी भेजें