गांधीनगर, ता. ३: घरामध्ये खेळावयास आलेल्या नऊ वर्षांच्या मुलीवर तिघा अल्पवयीन मुलांनी बलात्कार केल्याची महिन्यापूर्वी घडलेली घटना चिंचवाड (ता. करवीर) येथे आज उघडकीस आली। या बाबतची फिर्याद गांधीनगर पोलिसांत दाखल झाली आहे.
उन्हाळी सुटीत संबंधित मुलगी संशयिताच्या घरी खेळावयास जायची. तिला तिघा आरोपींनी घराच्या मागील न्हाणीघरात नेले व तिथे बलात्कार केला. या मुलीस त्रास होऊ लागल्याने लगेचच तिने ही गोष्ट आईस सांगितली. गावामध्ये बोभाटा होईल या भीतीने मुलीच्या घरच्यांनी ही गोष्ट कोणास सांगितली नाही.
या घटनेनंतर महिनाभर बाहेरगावी असणारे मुलीचे चुलते घरी आले. त्यांनी तत्काळ या बाबत पोलिसांत फिर्याद देण्यास सांगितले. यानुसार मुलीच्या आईने पोलिसांत फिर्याद दिली. त्यावरून तिन्ही संशयित आरोपींना ताब्यात घेतले.
कोई टिप्पणी नहीं:
एक टिप्पणी भेजें