नवी दिल्ली, ११ जुलाई- आरुषी हत्याकांड प्रकरणाला कलाटणी देणारी माहिती केंद्रीय अन्वेषण विभागाने (सीबीआय) शुक्रवारी जाहीर केली. आरुषीचे वडील डॉ. तलवार यांच्याविरुद्ध कोणतेही पुरावे सापडले नसल्याची माहिती "सीबीआय'चे सह-संचालक अरुण कुमार यांनी पत्रकार परिषदेत दिली.
या संबंधीची माहिती गाझियाबाद न्यायालयाला कळविण्यात आली असून, डॉ. तलवार यांच्या जामिनाच्या अर्जावर कार्यवाही करण्याची विनंती करण्यात आली असल्याचे सांगण्यात आले.
आरुषीच्या हत्येच्या आरोपावरून नोएडाच्या पोलिसांनी डॉ. तलवार यांना अटक केली होती. डॉ. तलवार यांना अटक केली, तेव्हा पोलिसांकडे त्यांच्याविरुद्ध कोणतेही पुरावे नव्हते, असेही अरुण कुमार यांनी स्पष्ट केले. त्यामुळे या प्रकरणाला आता वेगळेच वळण मिळाले आहे.
कोई टिप्पणी नहीं:
एक टिप्पणी भेजें