पुणे, २९ ऑगस्ट- जुन्या जमान्यातील प्रसिद्ध गायिका लीला नायडू (वय ८६; पूर्वाश्रमीच्या लीला पाठक) यांचे नुकतेच वृद्धापकाळाने निधन झाले. त्यांच्या मागे एक मुलगा, मुलगी आणि नातवंडे असा परिवार आहे.
ज्येष्ठ भावगीत गायक गजाननराव वाटवे यांच्याबरोबर त्यांनी गायलेले "हवास मज तू हवास सखया' हे "दहा वाजता' या "प्रभात'च्या चित्रपटातील गीत आजही रसिकांच्या मनात घर करून आहे.
प्रभात आणि नवयुग फिल्म कंपनीच्या "गोकूळ' "किती हसाल' "नवरदेव' या चित्रपटांसाठी त्यांनी पार्श्वगायन केले होते. "संगीत सौभद्र' या नाटकात त्यांनी केलेल्या कृष्णाच्या भूमिकेचे आचार्य अत्रे यांनी कौतुक केले होते.
कोई टिप्पणी नहीं:
एक टिप्पणी भेजें