मुंबई, २९ ऑगस्ट- ज्येष्ठ अभिनेत्री जयश्री गडकर यांच्या पार्थिवावर आज दुपारी दादर येथील शिवाजी पार्क स्मशानभूमीत अंत्यसंस्कार करण्यात आले। यावेळी सिने तसेच नाट्य सृष्टीतील अनेक मान्यवर उपस्थित होते.
जयश्रीताईंच्या हाजी अली येथील निवासस्थानापासून त्यांची अंत्ययात्रा काढण्यात आली. तत्पूर्वी ज्येष्ठ अभिनेत्री सुलोचना यांच्यासह अनेकांनी त्यांच्या पार्थिवाचे अंत्यदर्शन घेतले. ज्येष्ठ नाट्यनिर्माते मोहन वाघ , लता नार्वेकर , आशा काळे , प्रकाश भेंडे व उमा भेंडे , दिग्दर्शक शशिकांत देशपांडे यांचा त्यात समावेश होता. दुपारी तीन वाजता अंत्ययात्रा शिवाजी पार्कला पोहोचली. तेथे त्यांच्यावर अंत्यसंस्कार करण्यात आले.
कोई टिप्पणी नहीं:
एक टिप्पणी भेजें