सावंतवाडी, १६ अगस्ट - ""मी आज सिंधुदुर्गचा पालकमंत्री आहे; पण उद्या असेन की नाही, हे सांगता येणार नाही. सिंधुदुर्गच्या विकासासाठी मात्र कायम कार्यरत राहणार'' असे भावनिक उद्गार राज्याचे महसूलमंत्री नारायण राणे यांनी ओरोस येथे काढले.
कार्यक्रमानंतर या वक्तव्याबाबत विचारले असता, पद राहिले नाही, तरी राजकारणात मात्र असणारच असेही त्यांनी स्पष्ट केले.
राणेंनी आपल्या पदाचा राजीनामा दिला आहे। यावर निर्णय घेण्यासाठी कॉंग्रेसच्या वरिष्ठ पातळीवर खल सुरू आहे. नेमक्या याच काळात गेले दोन दिवस राणे स्वातंत्र्यदिन कार्यक्रमासाठी पालकमंत्री या नात्याने येथे होते.
१४ ऑगस्टला एका वृत्तवाहिनीने "राणेंचा राजीनामा मंजूर झाल्याची' ब्रेकींग न्यूज दिली। यानंतर सगळ्या मिडीयाचा लक्ष राणेंच्या प्रतिक्रियेकडे लागला होता. प्रत्यक्षात ती ब्रेकींग न्यूज अफवाच असल्याचे स्पष्ट झाले. यानंतर काल ओरोस येथे शासकीय ध्वजारोहण कार्यक्रमात राणेंनी आपण उद्या जिल्ह्याचा पालकमंत्री असेलच असे नाही. तरीही जिल्ह्याच्या विकासासाठी तत्पर राहणार. यासाठी जिल्हावासियांनी पाठिंबा द्यावा. असे आवाहन त्यांनी केले. यानंतर चहा पानाचा कार्यक्रम झाला. यातही ते नेहमी प्रमाणे "फ्रेश' मुडमध्येच होते.
जाहीर वक्तव्याबाबत विचारले असता ते फारसे बोलले नाहीत. आपण राजकारणात मात्र असणारच असेही त्यांनी अगदी आत्मविश्वासाने सांगीतले. यानंतर दोन -तीन तासातच मुंबईला रवाना झाले.
कोई टिप्पणी नहीं:
एक टिप्पणी भेजें