लातूर - शुक्रवारी पहाटे चार वाजता भूकंप होणार आहे, जागे रहा, घराच्या बाहेरच बसा, अशी अफवा पसरल्याने संपूर्ण रात्र लातूरकरांनी अक्षरशः जागून काढली। अनेक नागरिक रस्त्यावरच येऊन बसले होते. नागरिकांत एक प्रकारची भीती परसरली होती. पण भूकंप न झाल्याने नागरिकांनी सुटकेचा निश्वास टाकला.
पंधरा दिवसांपूर्वी अशाच अफवेने लातूरकरांना जागवले होते। गुरुवारी रात्री नागरिक आपल्या घरात झोपले होते. दीड-दोनच्या सुमारास अचानक पहाटे भूकंप होणार आहे जागे रहा, अशी अफवा पसरली. पाहता पाहता ही अफवा संपूर्ण लातूरमध्ये गेली. प्रत्येकांनी आपल्या नातेवाईकांना जीव वाचविण्यासाठी ही माहिती दूरध्वनी, मोबाईलवरून देण्याचा प्रयत्न केला.
अनेकांनी मित्रांना फोन करून याची माहिती दिली. एक दीड तासांत ही बातमी सगळ्या नगरात गेली. त्यामुळे नागरिकांत एकच भीती पसरली. जे शेजारी झोपेत होते, त्यांना देखील उठविण्याचा प्रयत्न अनेकांनी केला. बहुतांश नागरिक रस्त्यावरच येऊन बसले होते. रात्रभर भूकंप हा एकच चर्चेचा विषय होता.
कोई टिप्पणी नहीं:
एक टिप्पणी भेजें