औरंगाबाद, २७ ऑगस्ट- बहुचर्चित विद्या देशमुख खून प्रकरणी परभणी येथील न्यायालयाने मुख्य आरोपी महबूब खानला फाशीची शिक्षा सुनावली. २००३ मध्ये परभणी येथील भाग्यनगर भागात ही घटना घडली होती.
१६ वर्षीय विद्यावर चाकूने हल्ला करत महबूब खान आणि त्याच्या साथीदाराने तिचा खून केला होता.
याप्रकरणी पोलिसांनी महबूब खानला २००६ मध्ये हैदराबाद येथून अटक केली होती. या प्रकरणाचा निकाल काल लागला. यात न्यायालयाने महबुब खान याला दोषी ठरवत फाशीची शिक्षा सुनावली. त्याचा साथीदार असलेल्या वसीम याला न्यायालयाने जन्मठेपेची शिक्षा सुनावली आहे.
तब्बल २५ वर्षांनंतर परभणी न्यायालयाने एखाद्या गुन्हेगाराला फाशीची शिक्षा सुनावली आहे. निकाल लागल्यानंतर विद्याचे वडील दत्ताराव देशमुख यांनी समाधान व्यक्त केले आहे.
कोई टिप्पणी नहीं:
एक टिप्पणी भेजें