पुणे, २३ जुलै-पुण्यात बनावट केडिट कार्ड तयार करणाऱ्या टोळींचा पर्दाफाश करून, त्या आरोपींना गजाआड करण्याची कामगिरी केल्याबद्दल पुणे पोलिसांच्या तपास पथकाला ५० हजार रुपयांचे बक्षीस देण्यात येईल, असे उपमुख्यमंत्री आर. आर. पाटील यांनी विधानसभेत जाहीर केले.
पुण्यातील ली-मेरिडियन हॉटेलमध्ये जेवणाचे बिल केडिट कार्डद्वारे दिले असता, त्याच हॉटेलचा एका कर्मचारी केडिट कार्डधारकाच्या कार्डमधील डेटा लॅपटॉपमध्ये घेऊन त्याद्वारे बनावट केडिट कार्ड तयार करीत असल्याचे तपासात निष्पन्न झाले। या प्रकरणातील आरोपी वसीम समी पटेल याच हॉटेलचा कॅशियर असून, त्याच्याकडून दोन लॅपटॉप, एक स्कीमर, रिलायन्स कंपनीचा एक कनेक्टर, एक कार्ड रीडर असा मुद्देमाल हस्तगत करण्यात आल्याची माहिती पाटील यांनी लक्षवेधीवरील उत्तरात दिली.
यासंदर्भात आठ आरोपींना अटक झाली असून अन्य फरारींचा शोध सुरू आहे. सायबर क्राइमचा तपास जलद गतीेने व्हावा, यासाठी पुण्यातील ७०९ आणि मुंबईतील १३०० पोलिस अधिकारी व कर्मचाऱ्यांना प्रशिक्षण देण्यात आले आहे. वर्षभरात पाच हजार पोलिसांना सायबर क्राइम तपासाचे प्रशिक्षण देण्यात येईल. तसेच सर्व पोलिस आयुक्तांच्या कार्यकक्षेत सायबर सेलमध्ये सुरू करण्यात येईल, असे ते म्हणाले.
कोई टिप्पणी नहीं:
एक टिप्पणी भेजें