नवी दिल्ली, २३ जुलै-माझे आंदोलन मराठी बाण्यासाठी तो जपणा-या महाराष्ट्रासाठी आहे. शिक्षण संस्था चालकांविरोधात माझे कार्यकर्ते आंदोलन करीत नाही तर स्थानिक विदयार्थ्यांना डावलून चुकीच्या मार्गाने परप्रांतीय विदयार्थ्यांना प्रवेश देणा-या प्रवृत्तींसोबत आहे, आणि ते सुरूच राहणार असल्याचे प्रतिपादन पुणे येथे पत्रकार परिषदेत राज ठाकरे यांनी केले.
पुणे येथे मनसेच्या आंदोलनाची भूमिका स्पष्ट करण्यासाठी त्यांनी पत्रकार परिषदेत मनसेची भूमीका स्पष्ट केली. राज्यातील खाजगी शिक्षण संस्था त्या स्थापने संदर्भातील उदेशही विसरल्या आहेत. राज्यात नियमानुसार प्रवेश प्रक्रिया राबवून मराठी मुलांना प्रवेशासाठी प्राधान्य दिले गेले पाहिजे. शिवाय संस्था चालकांनी प्रवेश देणार असलेल्या विदयार्थ्यांच्या नावांची यादीही जाहीर करावी. असे फर्मान काढीत त्यांनी राज्यातील शिक्षण पध्दतीवरही कडाडून टीका करताना पुरकेंमुळे विदयार्थ्यांचे भवितव्य बघिडल्याचा आरोप केला आहे.
मनसेने केलेल्या आंदोलनात कार्यकर्त्यांना जाणून-बूजून टार्गेट केले जात असल्याचा आरोप करून त्यांनी आपल्या कार्यकर्त्यांवर जाणून-बाजून अनेक केसेसही करण्यात आल्या असल्याचा आरोप केला आहे. मात्र राष्ट्रवादीच्या कार्यकर्त्यांना वेगळा न्याय देउन त्यांचे संरक्षण केले जात असल्याचा आरोपही त्यांनी केला.
कोई टिप्पणी नहीं:
एक टिप्पणी भेजें