मुंबई, २ सप्टेम्बर- हायकोर्टातील ज्येष्ठ वकील विनायकराव वालावलकर (८८) यांचे सोमवारी दुपारी हायकोर्टात युक्तिवाद करत असतानाच हृदयविकाराच्या झटक्याने निधन झाले.
न्या. आर. एम. सावंत यांच्या कोर्टात ते एका प्रकरणात युक्तिवाद करण्यासाठी आले होते. दुपारी भर कोर्टातच त्यांचा मृत्यू झाला। त्यांच्या निधनाने कोर्टाचे कामकाज दोन तासांसाठी तहकूब करण्यात आले.
त्यांच्या पश्चात पत्नी, मुलगा व तीन कन्या आहेत. त्यांचा मुलगा नरेंद वालावलकर हेसुद्ध ज्येष्ठ वकील आहेत. त्यांच्यावर दादरच्या स्मशानभूमीत अंत्यसंस्कार करण्यात आले. वालावलकर हे शहर दिवाणी कोर्टात काही काळ न्यायाधीशही होते. आणीबाणीच्या काळात १९७५ मध्ये त्यांना तुरुंगवासही झाला होता. ते राष्ट्रीय स्वयंसेवक संघाचे कार्यकर्ते होते. त्यांनी विविध महत्त्वपूर्ण खटल्यांमध्ये काम पाहिले होते. ते बार कौन्सिल ऑफ महाराष्ट्र अॅण्ड गोवाचे काही काळ सदस्यही होते.
कोई टिप्पणी नहीं:
एक टिप्पणी भेजें