मुंबई, १ सप्टेंबर- मुंबईत राहायचे असेल तर मराठी कंपल्सरीची घोषणा करत उत्तर भाषकांवर टीकेची झोड उडवणाऱ्या मनसे नेते राज ठाकरे यांच्या या मराठी आंदोलनाचा आता रेल्वेनेही धसका घेतला असून प्लॅटफॉर्म ते अधिकाऱ्यांपर्यंत सर्वांच्या नावाच्या पाट्या मराठीत करण्याचे आदेश रेल्वेतील वरिष्ठ अधिकाऱ्यांनी दिले असल्याचे खात्रीलायक वृत्त आहे.
सध्या मुंबईतील विविध प्लॅटफॉर्मवर अशाच प्रकारचे चित्र असून लवकरात लवकर हे काम पूर्णं करण्याचे आदेश देण्यात आल्याचे समजते. इतकेच नाही तर आता मुंबईतील विविध प्लॅटफॉर्मवर 'काम सुरू रस्ता बंद' अशा पाट्याही आपल्याला पाहायला मिळणार आहेत.
मुंबईत राहायचे तर मराठी आलेच पाहिजे असा आग्रह ठाकरे यांनी धरला असून, यापूर्वी त्यांनी मुंबईतील व्यापाऱ्यांना 28 ऑगस्ट पर्यंतची मुदत दिली होती, ही मुदत काही कालावधीसाठी पुढे ढकलण्यात आल्याचे राज यांनी आता स्पष्ट केले असून, लवकरात लवकर पुन्हा हे आंदोलन सुरू करण्याचा इशारा त्यांनी दिला आहे.
कोई टिप्पणी नहीं:
एक टिप्पणी भेजें