मुंबई, २६ जुलै-केंद्रीय कृषिमंत्री शरद पवार आणि त्यांच्यासह अनेक प्रवाशांना दिल्लीहून मुंबईला घेऊन येणा-या जेट एअरलाइन्सच्या विमानाचा अपघात शुक्रवारी सायंकाळी थोडक्यात होता होता टळला आणि शरद पवारांसह सर्वजण सुदैवाने बचावले. विमानाचा एक दरवाजा लॉक झाला नसल्याची बाब वेळीच लक्षात आल्याने या विमानाचे दिल्ली विमानतळावर इर्मजन्सी लँडिंग करावे लागले.
दिल्लीहून मुंबईला येणा-या जेटच्या बोईंग ७३७ विमानाने (९ डब्ल्यू ३६२) काल सायंकाळी सव्वा पाच वाजता दिल्ली विमानतळावरुन हवेत उड्डाण केले। विमान ६५०० फूट हवेत असतानाच, विमानाचा मागचा दरवाजा व्यवस्थित लॉक झालेला नसल्याची बाब केबीन क्रूच्या लक्षात आली. त्याने ती बाब वैमानिकाच्या लक्षात आणली. वैमानिकाने दिल्ली विमानतळाच्या नियंत्रण कक्षाशी संपर्क साधला. नियंत्रण कक्षाने त्यांना काही इंधन हवेत जाळण्याचे निर्देश दिले. तेव्हा विमानाने हवेतच गोल गोल फे-या मारल्या आणि तासाभराच्या उड्डाणानंतर पुन्हा विमानाचे दिल्ली विमानतळावर इर्मजन्सी लँडींग करण्यात आले. या विमानात केंद्रीय कृषिमंत्री शरद पवार यांच्यासह अनेक प्रवासी होते. हे विमान दुर्घटनाग्रस्त होता होता थोडक्यात वाचले आणि सर्व प्रवाशांचा जीव वाचला.
विमानाच्या इर्मजन्सी लँडिंगच्या वेळी काही प्रवाशांना किरकोळ जखमा झाल्या। या सर्वांवर दिल्ली विमानतळावरच किरकोळ उपचार करण्यात आले. त्यानंतर दुस-या विमानाने सर्व प्रवाशांना दिल्लीहून मुंबईला रवाना करण्यात आले.
दरम्यान, केबीन क्रूच्या हलगर्जीपणामुळेच हा प्रकार घडल्याने, तडकाफडकी दोघांना निलंबित करण्यात आले आहे. विमानाचे सर्व दरवाजे व्यवस्थित लॉक झाले नसतील, तर वैमानिकांच्या कॉकपीटमध्ये लाल दिवा पेटतो. परंतु हे बटनच स्वीच ऑफ होते. त्यामुळे विमानाने हवेत उड्डाण घेईपर्यंत ही गंभीर बाब वैमानिक वा केबिन क्रूच्या निदर्शनास आली नाही. विमान ६५०० फूट हवेत उडाल्यानंतरच हा हलगर्जीपणा लक्षात आला. तेव्हा तत्काळ इर्मजन्सी लँडिंगचा निर्णय घेण्यात आला.
कोई टिप्पणी नहीं:
एक टिप्पणी भेजें