नवी दिल्ली, २४ जुलै- करदाते आता स्वतःसह कोणाच्याही बॅंक अकाऊंटच्या माध्यमातून तसेच डेबिट व क्रेडिट कार्डच्या सहाय्याने प्राप्तीकर भरू शकतात. प्रत्यक्ष कराच्या मध्यवर्ती मंडळाने (सीबीडिटी) ही माहिती दिली.
देशातील व काही परदेशातील करदात्यांना इंटरनेटद्वारे कर भरण्यात अडचण येत होती. त्याचा विचार करून मंडळाने हा निर्णय घेतला. काही कंपन्या, व्यवसाय व व्यावसायिकांना यंदाच्या एप्रिलपासून इंटरनेटद्वारे कर भरण्याची सक्ती करण्यात आली होती.
करदाता व्यक्ती इतर व्यक्तीच्या खात्यातूनही कर भरू शकतो. मात्र, चलन भरताना त्याला स्वतःचा पॅन नंबर लिहावा लागेल, असेही सीबीडिटीने स्पष्ट केले आहे.
कोई टिप्पणी नहीं:
एक टिप्पणी भेजें