महिलांना आवडतात दाढीवाले पुरुष

सुंदर दिसावे असे प्रत्येकालाच वाटत असते। यासाठी महिला ब्युटी पार्लरमध्ये जातात, तर पुरुष अगदी घोटून- घोटून दाढी करतात.काही जण तर चक्क मिशाही काढतात परंतु लंडनमधील संशोधकांना एका सर्वेक्षणात असे आढळून आले आहे की कमी, पण दाढी ठेवणारे पुरुष महिलांना जास्त आवडतात, तेही प्रेम, लाईफ आणि सेक्स पार्टनर म्हणून.
संडे टेलिग्राफने नुकतेच हे सर्वेक्षण प्रसिद्ध केले आहे। यात नोर्थुब्रिया युनिर्व्हर्सिटी मधील डॉक्टर निक नीव यांनी या संदर्भात सर्वेक्षण केले आहे.
दाढी असलेला चेहरा ही मादकतेची ओळख असल्याचे या सर्वेक्षणात त्यांना आढळून आले असून, ती सेक्स परिपक्वतेची ओळख असल्याचे निष्पन्न झाल्याचे डॉक्टरांनी स्पष्ट केले आहे.